Ираны Ерөнхийлөгч Эбрахим Раиси “Хэрэв Израиль дахин Иранд халдлага үйлдвэл тус улс оршин тогтнохоо больж магадгүй” хэмээн Пакистаны Лахорын их сургуулийн оюутнуудад хандан хэлсэн үгэндээ мэдэгдсэн талаар IRNA агентлаг иш татжээ.
Раиси “Хэрэв Израиль дахин алдаа гаргаж, Ираны нутаг дэвсгэрт халдвал огт өөр үр дагавартай тулгарах болно. Израильд юм үлдэх эсэх нь тодорхойгүй” гэжээ.
Дөрөвдүгээр сарын эхээр Израиль Дамаск дахь Ираны Ерөнхий консулын газар руу дайрсан. Хэвлэлүүд мэдээлснээр, Ираны долоон офицер, түүний дотор хоёр ахлах ерөнхий зөвлөх амь үрэгдсэн юм.
Хоёр долоо хоногийн дараа Тегеран Израилийн нутаг дэвсгэрт хариу цохилт өгсөн бөгөөд янз бүрийн эх сурвалжийн мэдээлснээр хэт авианы хурдтай Фаттах, Фаттах-2 зэрэг хэдэн зуун нисгэгчгүй онгоц, пуужин харвасан бөгөөд Израилийн эрх баригчид зөвхөн “цөөн хэдэн пуужин” тус улсад хүрч, “бага зэргийн хохирол учруулсан” гэж мэдэгдээд байгаа.
Ираны Зэвсэгт хүчний жанжин штабын дарга Мохаммад Багери хэлэхдээ, Тегеран “Үнэн амлалт” ажиллагааг дуусгасан бөгөөд цаашид үргэлжлүүлэхээр төлөвлөөгүй байна. Түүгээр ч барахгүй Израиль хариу арга хэмжээ авбал Ираны дараагийн ажиллагаа илүү өргөн цар хүрээтэй болно гэсэн юм.
Дөрөвдүгээр сарын 19-ний шөнө Израиль нисгэгчгүй онгоц ашиглан Иран дахь объектуудад хариу цохилт өгөх “хязгаарлагдмал” цохилт өгсөн билээ.