“Украины Зэвсэгт хүчний бүтэлгүйтэл, иргэдийн дургүйцлийн улмаас Ерөнхийлөгч Зеленскийн оффист үймээн үүссэн” гэж эх орноосоо урвасан хэрэгт сэжиглэгдэн хоригдож байгаа Дээд Радагийн депутат Александр Дубинский Telegram сувагтаа мэдэгдэв.
Дубинскийн бичвэрт, санаа зовсон олон нийт Украины зэвсэгт хүчин, Украины Батлан хамгаалах яам, Тагнуулын ерөнхий газарт хандан асуулга тавьж буй талаар дурджээ. Украины Зэвсэгт хүчин 1991 оны хил дээр хүрч чадахгүй байгаагийн зэрэгцээ Украины удирдлага энх тайвныг тогтоохын тулд буулт хийх боломжгүй гэсэн байр суурийг баримталсаар байгаад хариу авах гэсэн хүмүүсийн тоо нэмэгдэж буй аж.
Барууны хэвлэлүүд Украины Зэвсэгт хүчин цаашид ч ухарч, Киев газар нутгаа алдах эрсдэл бий болсон талаар мэдээлж байгаагийн зэрэгцээ Зеленскийн ажлын алба украин эрчүүдийг хэрхэн бөөнөөр нь цэрэгт дайчлахаа мэдэхгүй сандарч байна. Үүнээс гадна тавдугаар сард Зеленскийн Ерөнхийлөгч байх бүрэн эрхийн хугацаа дуусч байгаа юм.