Төлбөрийн тэнцэл I-X сард 696.6 сая ам.долларын ашигтай гарлаа

Монголбанк: I-X сард санхүүгийн данс 445.4 сая ам.долларын алдагдалтай байна

2023 оны I-X сард Монгол Улсын төлбөрийн тэнцэл 696.6 сая ам.долларын ашигтай гарсныг Монголбанк мэдээллээ. 2022 оны мөн үед төлбөрийн тэнцэл 1.35 тэрбум ам.долларын алдагдалтай гарч байсан бол 2023 онд гурав дахин сайжирчээ.

Төлбөрийн тэнцлийг алдагдалтай гарахад нөлөөлж байсан урсгал дансны тэнцэл 331.55 сая ам.долларын ашигтай гарсан байна. Үүнд барааны худалдааны данс 3.6 тэрбум ам.долларын ашигтай гарснаар тайлбарлагдаж байгаа юм. Тухайлбал: оны эхний 10 сарын хугацаанд 12.5 тэрбум ам.долларын бараа, бүтээгдэхүүн экспортолсон бол 7.6 тэрбум ам.долларын бүтээгдэхүүн импортолжээ. Хэдийгээр барааны данс ашигтай гарсан ч үйлчилгээний данс алдагдалтай хэвээр байна.

Тайлант хугацаанд Монгол Улс тээвэр, аялал болон бусад үйлчилгээнд зарцуулсан валютын гадагшлах урсгал 2.1 тэрбум ам.доллароор хэмжигдэж байгаа юм. Үүнээс тээвэр 723 сая ам.доллар, аяллаас 552 сая ам.долларын алдагдал хүлээжээ.

Бусад дансны хувьд хөрөнгийн данс 106.69 сая ам.долларын ашигтай, санхүүгийн данс 445.54 сая ам.долларын өглөгтэй гарсныг Монголбанк мэдээллээ.