Германы эдийн засаг тогтвортой сайжрах шинж тэмдэг илрэхгүй байна гэж тус улсын Төв банк Bundes мэдэгдэв. Тус улс эхний улиралд аж үйлдвэрийн гол салбаруудаа сэргээх бодлого барьж, эдийн засаг бага зэрэг сайжирсан ч бүрэн сэргэх баталгаа хараахан ажиглагдахгүй байна” гэж Bundesbank сар тутмын тайландаа дурджээ.
Германы ДНБ 2023 оны дөрөвдүгээр улиралд өмнөх гурван сартай харьцуулахад 0.3 хувиар буурсан байна. Хоёр, гуравдугаар улирлын үр дүнд үндэслэн эдийн засгийн тоо хэмжээ тэг өөрчлөлттэй гарчээ.
Дөрөвдүгээр сарын 30-нд нэгдүгээр улирлын урьдчилсан мэдээ гарч ирнэ. Шинжээчид дунджаар ДНБ 0.1 хувиар өснө гэж таамаглаж байгаа аж. Аж үйлдвэрийн хэд хэдэн салбар сайжирч, бараа бүтээгдэхүүний экспорт нэмэгдсэн нь 2024 оны 1-3-р сард хүлээгдэж буй өсөлтөд нөлөөлсөн бөгөөд 2-р сард цаг агаар зөөлөн байсан нь барилгын ажил сэргэсэн байна.
Гэсэн хэдий ч эдийн засгийн олон салбарт аж үйлдвэрийн үйлдвэрлэл сул хэвээр байгааг банк тэмдэглэжээ. Түүнчлэн өндөр хүү, улс төрийн тодорхойгүй байдал нь Европын хамгийн том эдийн засагт хөрөнгө оруулалтын идэвхийг саатуулж байна. Германы эдийн засаг тогтвортой сайжрах шинж тэмдэг илрээгүй хэвээр байна гэж Төв банк тайландаа дурджээ.